Literaria
Esos teus ollos meniña
son lancetas de sangrar
os meus che queren dar vida
os teus me queren matar.
O meu corazón che dou
pechadiño cunha chave
despecha e métete dentro
que sendo soia ben cabes.
Quixera ser dos paxaros
que anduriña se lle chama
para facer o meu nino
ao pé da túa ventana.
A muda non te me fagas
nin me digas ! eu que sei !
dime que si ou que non
que é máis honrado e de lei.
Para quen entróu no baile
para quen entróu agora
para quen entróu no baile
cantaréi a noite toda.
A tua porta meniña
hai dúas horas que chamo
non naciches para amores
que tés o sono pesado.
O falarche foi entoxo
o quererte fantasia
non me envolvas cos teus contos
que xa séi o que querías.
A tua porta me tés
igual que un feixe de leña
nin ben me dis que me vaia
nin ben me dis que me esteia.
A augiña dos teus ollos
son como as augas do mar
que envez de matarme de sede
moita máis sede me dan.
Rimas
1 - 2 - 3 - 4 - 5 - 6 - 7 - 8 - Navideñas